“ ආ … හොරෙන්ම අල්ලපු වත්තෙ තැබිලි වල්ල බාගන්න නේ ? ඔව්ව කැත වැඩ ඈ !! ඔබ හිතුවද මම තැබිලි වල්ල දැක්කෙ නෑ කියලා මිත්රය ??? “
“ කට වහගෙන වැඩේ කරපන් මිත්රය .. වල්ලක් කත නොකර …! මම ආසන්නයට ඇවිල්ලයි ඉන්නේ “ යැයි පවසමින් ඊලග හෝඩුවාව සොයාගෙන මා පැන්නෙ නිවසේ වැටෙන් එහාටය .
වැටෙන් එහා තිබුනේ කුඩා අඩි පාරකි .. එය වෙල දෙසට ගොස් ගම්මානයේ ඇති ප්රදාන පාරට යා හැකි පාරක් නමුත් ගල් මුල් සහ කූඩැල්ලන් පිරි ඒ කුඩා අපිරිසිදු මාර්ගය එතරම් පිරිසක් බාවිත කර නොවැන්නක් බව බැලූ බැල්මට පෙනිනි . මග දෙපසින්ම් මා හට අවැසි හෝඩුවාවන් පැය කිහිපයකින්ම තනිවම හොයාගන්නා තුරු ජහුටා කුඩයත් ඉසලගෙන ඕස්ට්රේලියා සිතියම දෙස කුරුමානම් අල්ලමින් සිටියේය .
“ ජහුට ඉක්මනින් කුස්සිය පැත්තට යමු රාත්රී ආහාරය සූදානම් වෙන බවක් දැනෙනව ! “
“ ඔව් ජිමි .. මට කරෝල බදින සුවද තදින්ම දැනුන .. අපි යමු විජහට ! “
“ ජිමී මහත්මයා අද රෑට කන්න ඔබලාට ඉදි ආප්පයි කිරිහොද්හියි සූදානම් කරල තිබෙන්නෙ .. මහන්සිත් ඇතිනෙ ! “ ඇගේ නිවසෙහි කුස්සියට ඇතුලු වූ පසු අප වෙත පවසන්නට විය .
“ කරවල බදින සුවද ???? ! “ ජහුටා තමන්ටම කියාගන්නා හඩ මට ඇසුනි .
“ ඒක පුදුමයක් නෙමෙයි මිත්රයා ,, ලැට් වලක් මත පැය ගානක් සිටගෙන සිටි ඔබේ නාසයෙහි බැදි රසායනික ද්රව්ය ප්රතික්රියා දක්වූවේ කරෝල බදින සුවදක් ලෙසට .. විශව විද්යාලයේ පලමු වසරේදී මම නාසයෙහි බැදෙන කාබනික රසායන ප්රතික්රියා ගැන ඉගෙනගත්තෙ ජහුට ! “
“ ඔබ නම් සැබෑ දක්ශයෙක් ජිමී මහත්මය .. ඉතින් මරණය පිලිබද අලුත් තොරතුරු මොනවද ? “ කෑම මේසයෙහි අසුන් ගන්නා ගමන් මෙනවිය හඩ අවදි කලාය .
“ නංගීගෙ පෙම්වතා පිලිබද ඔබ දැන සිටියාද ? “
“ ඇයට පෙම්වතෙක් සිටියේ නැහැ ! “
“ රහස් ආදරයක් .. නමුත් ඔබටයි , පියාටයි , මවටයි පමනයි ! ඔබගේ පුන්චීට හැර ! “
“ මොකක් ?! “ ඈ කලබලෙන් පවසද්දි හඩ නැගුවේ ජහුටාය .
No comments:
Post a Comment